Karaengku ! Kipamopporammak jaidudu karaeng !
ri dallekang lakbiritta, ri empoang matinggita ;
ri sakri karatuanta, satuli-tuli kanangku karaeng ;
panngainna laherekku, pappattojenna batengku ;
beranja’ kunipatekbak, pangkulu’ kunisoeang ;
Ikatte anging karaeng, na ikambe leko’ kayu ;
Ikatte jekne’ karaeng, na ikambe batang mammanyu’ ;
Ikatte jarung karaeng, na ikambe bannang panjai’
Irikko anging, na marunang lekok kayu ;
Solongko jekne’, namammanyu’ batang kayu ;
ta’leko jarung, namminawang bannang panjai’;
makkanamaki mae, na ikambe manggaukang.
Mannyakbu’ mamaki’ mae, na ikambe mappajari ;
punna sallang takammaya, aruku ri dallekanta ;
pangka jerakku, tinraki bate onjokku ;
pinra arengku, piassala’ jari-jariku.
Pauangi ri anak riboko, pasangi ri anak tanjari ;
tumakkanaya, na taenna nappa’rupa ;
sikammaji anne aruku ri dallekanta karaeng ;
dasi na dasi nanitarima pa’nganroku ri Allah Ta’ala ! Amin
Tidak ada komentar:
Posting Komentar