Bismillahirrahmanirrahiim
Ata karaeng Tabe’ kipammopporang mama’
Ri dallekang labbiritta ri sa’ri karatuanta ri empoang matinggita
Inakke mine, karaeng Lambara’ tatassa’la’na Gowa
Nakareppekangi sallang karaeng, Pangngulu ri barugayya
Nakatepokangi sallang karaeng, Pasorang attangnga parang
Inai-inaimo sallang karaeng, tamappattojengi tojenga tamappiadaki adaka
Kusalagai sirinna kuisara parallakkenna
Berangja kunipatebba pangkulu’ kunisoeyang
Ikatte anging karaeng naikambe lekok kayu
Mirikko anging namarunang lekok kayu
Iya sani madidiyaji narunang
Ikatte je’ne’ karaeng naikambe batang mammayu
Solongko je’ne’ namammayu batang kayu
Iya sani sompo bonangpi kianyu
Ikatte jarung karaeng naikambe bannang panjai’
Ta’leko jarung namminawang bannang panjai’
Iya sani lambusuppi nakontu tojeng
Makkanamamaki mae karaeng naikambe mappa’jari
Mannyabbu’ mamaki karaeng naikambe mappa’rupa
Punna sallang takammaya aruku ri dallekanta’
Pangkai jerakku tinra’ bate onjokku
Pauwang ana’ ri boko pasang ana’ tanjari
Tumakkanayya karaeng natanarupai janjinna
Sikammajinne aruku ri dallekanta
Dasi nadasi nana tarima pa’ngaruku
Salama’
Tidak ada komentar:
Posting Komentar